• Akhbar Elfananeen Elaslya
• 12:00 AM - 8 May 2013
• My Other Reviews

قبل الدخول في اي كلام لية عايز اقول لنجم الكوميديا محمد سعد 1000 مبروك علي عودتك لعرش الكوميديا من جديد الفيلم قصتة خفيفة ولذيذة وكوميديا جدا جدا ودة يمكن السيناريو الوحيد اللي ضحكت في من قلبي قوي بعد سيناريو بوحة بس الكوميديا كتير المرادي مع قصة حلوة وخفيفة عملوا فيلم حلو

الفيلم كامجمل فيلم لذيذ جدا هتضحك في من قلبك اثناء مشاهدتة مش هتحس بملل خالص انصح جميع الاسرة انها تدخل الفيلم دة لان الفيلم دة لو انت مضايق او مكتئب او مخنوق اول لما تتفرج علي تتح كل دة هيروح وهتبقي مبسوط جدا نيجي بقي لتقيمي للفنانين المشاركين في تتح محمد سعد ابدع في دورة جدا جدا ومفيش اي حد ينفع معاة الدور دة غير محمد سعد دوللي شاهين دورها مش كبير قوي في الفيلم بس دور جديد عليها ودور جميل مروي اللبنانية محستش بيها قوي في الدور دة وكان ممكن اي حد يقوم بدورها عمر مصطفي متولي دور جديد علية بعد ماقدم رمضان مبروك ودورة حلو جدا وقدم الدور صح قوي سيد رجب ممثل تقيل وقدم دورة بحرفية شديدة سامي مغاوري محور احدث الفيلم لما تشوفوا الفيلم هتعرفوا انا قصدي اية سمير غانم ظهورة لم يتعدي الدقائق بس ساب بصمتة الكوميديا في المشهد هياتم دورها مش حلو وكان ممكن اي حد غيرها يعمل الدور نبيل عيسي قدم دورة بحرفية شديدة جدا وبجد ابدع في الدور محمد الجوهري مينفعش بعد دورك في ادم و المصلحة انك تقدم شخصية زي دي مش مؤثرا خالص في العمل نقي دورك ياجوهري لانك ممثل كويس بوسي مظهرتش كتير في الفيلم دورها كان مشهد واغنية بس كاول مرة تمثيل برافوا عليها عقبال الخطوة الجاية الاغنية دمها خفيف جدا سيناريو وحوار محمد نبوي و سامح سر الختم بجد برافوا عليكم كتبتم فيلم كوميدي وبدون اسفاف واضحكتم جميع ما شاهد هذا الفيلم اخرج سامح عبدالعزيز بجد مخرج هايل جدا

• 9 helpful
• 5 not helpful