سما المصري لمحمد رمضان: نجم بس بلاش تجرح مشاعر الغلابة
- خبر
- 12:50 صباحًا - 14 مايو 2018
- 1 صورة
- كتبه إيهاب علي عبدالكريم تابع
-
حرصت الفنانةسما المصري على توجيه نصيحة للنجم محمد رمضان بعد إثارته للجدل من جديد بعد نشره لفيديو لسيارتين اشتراهما مؤخرا.
وكتبت "سما" عبر حسابها الشخصي بموقع "إنستجرام" قائلة: "بص يامحمد انت نجم ونجم كبير مش صغير والناس بتحبك عشان انت فعلا تعبت والشباب نفسها تبقي ذيك في كفاحك ونجوميتك وجمهورك من الغلابه اللي شايفينك قدوه ليهم بلاش تجرح مشاعر الغلابه دول وكل بتصويرك كل شويه للعربيات اللي عندك".
وأضافت :"ربنا يديك اكتر واكتر عربيات وفيلل وكل حاجه حلوه انت تعبت وتستاهل بس راعي ظروف الشباب الغلبان اللي بيحبك انهم ياعيني ظروفهم مش مساعداهم انهم حتي يتجوزوا بسبب ظروف البلد...خليك دايما واحد منهم حته منهم ذي ماهم شايفينك دايما...وياسيدي داري علي شمعتك تقيد".
واختتمت "سما" قائلة :"في ناس بتحقد كتير وعينها وحشه والناس التانيه غلابه ونفسهم في لقمه عيش حاف خاف علي مشاعرهم شويه انا عارفه انك تتمني لكل الناس الخير وبتحب جمهورك ومش قصدك تجرحه بس الغلابه مابيحسبوهاش كده...خليك دايما عندهم اسطوره بفنك مش اسطوره بعربياتك.. انت جدع وابن بلد وربنا هيديك من خيره اكتر واكتر بس خلي بالك من الغلابه وظروفهم والشباب التعبانه اللي نفسها تفرح ومش عارفه...ربنا معاك".
ويشارك محمد رمضان في موسم دراما رمضان 2018 بمسلسل "نسر الصعيد" ومعه درة وسيد رجب ووفاء عامر ودينا ومحمد حاتم وعايدة رياض ومحمد عز وعائشة بن أحمد وباسل الزارو، وهو من تأليف محمد عبد المعطي، وإخراج ياسر سامي.
